主页 > O北生活 >《也许欧联才是你的表演舞台 >

《也许欧联才是你的表演舞台

《原创文章 欢迎转载 请列明出处 谢谢》-请支持蓝狮 Facebook专页-《也许欧联才是你的表演舞台 按此观看图片 .图片来源 : Daily Mail眼见围绕着车路士前锋莫拉达既声音不绝,主要係上场作客对曼联既失利,引伸至「蓝色9号魔咒」及「水货」等字眼相继出现。但说实话,莫拉达真係如外界所讲咁一无是处吗?也许,英超赛场黎讲仲需要时间熟习以及适应,欧联或许至係佢真正表演既舞台。上回合车路士在史丹福桥迎战曼联,凭着一对西班牙入球组合,艾斯派古达长传助攻比莫拉达头槌顶入,令蓝军在主场以一球小胜曼联全取三分。干地在今场作客照板煮碗地起用佢为正选,但对面既摩连奴唔係傻,既然你上回合入得波,今场番到自己地头对住旧东家又点会失威,定必好好针对性地招呼你。果然,莫拉达被连迪路夫、史摩灵等人贴身式防守,「文弱书生」控球后倒地次数绝不下于十次,摸着头的画面老是常出现。但有持平的球迷会话,要不是有莫拉达,上半场一球连迪基亚都比唔切反应既射门中眉以及完场前一球「被越位」既攻门係唔会出现,这正正反映出哩位西班牙前锋既作用同特性,由加盟果刻开始,车路士球迷就理应要走出杜奥巴同迪亚高哥斯达既回忆底下,大家都知莫拉达与两者并非相同类型,既然係咁就更加唔应该将佢地既能力特性套用黎作比较,干地明显係想将技术元素加入到蓝军前场。莫拉达既走位入摄、埋门一脚质素绝对係无容置疑,但要做支点分波,在英超赛场上与其他后卫作身体对抗的话,就仲有好长磨鍊既路要走。无论当时效力紧祖云达斯,定係皇家马德里时期,又或者喺西班牙国家队既赛事上,莫拉达过往都能够喺一啲一场定胜负既盃赛上交出好表现,加上基奥特既加盟,两者分别各自应付联赛及欧联战线就最好不过。当然,根据干地心目中既理想蓝图,理应係由莫拉达与及基奥特同时担任正选中锋位,一刚一柔,一个以技术为主,另一个以高大作支点为首,但意大利人似乎仲未谂得掂如何将夏萨特加入到两者之中,亦不敢捨弃后者。干地尚未发挥得出手上前场球员既最大能力,但硬仗一场接一场,相信佢如果仲唔尽快谂通的话,「失眠」既晚上就只会愈来愈多。文章最后更新时间 : 27/02/2018 13:00《原创文章 欢迎转载 请列明出处 谢谢》蓝狮 每週出文 用心写每篇文章 给我们一个Like作支持